close
話說上星期係柒頭聰同明子醬一年一度既冬季旅行，今次就去左芭堤雅同曼谷玩下水，hea下。
呢個星期我地行路多過搭車，每日都行兩萬步以上，雖然天氣真係又熱又曬，但邊行邊發現新景色新路線，都未嘗唔係一個好既體驗，而且仲可以當埋減肥添！
我地去芭堤雅主要都係join local tour玩水，順便去探下個個香港人都會去搵佢既「香港炳嫂」，一去到佢間舖頭，就聽到佢好大聲咁用泰文鬧緊人，嚇到我地窒左一窒😅不過傾耐左計，我地又幾欣賞佢既真性情，畢竟咁真既人而家買少見少。佢仲好鍾意同人打羽毛球，同佢打平手就可以合照😂好彩我地都有幸同佢打個平手，拎左個合照。
由於明子醬係唔識游水既，所以玩水上活動真係有啲淆。原本諗住玩海底漫步應該係最安全既，點知玩呢個玩到我窒息咁濟，夜晚嚇醒左添！呢啲活動真係只可一，不可再😣😣😣
至於曼谷，其實都係行街多，我倆都認為玩既野唔多，但上左個cooking class，學下點煮冬蔭公、咖哩等等，都幾好玩既！仲有就係train night market飲到驚為天人既冬蔭公，我地都好開心😊
總括黎講 我地對呢個trip都係滿意既，期待下年六月我地衝出亞洲！yooho~~~
全站熱搜
留言列表
